سوال

عائزہ نام کی مکمل تفصیل؟

جواب

”عائزہ“ (زا کے ساتھ) کا معنی ہے: مفلس؛ اس لیے زاء کے ساتھ  یہ نام رکھنا اچھا نہیں،جب کہ ’’عائذہ‘‘  (ذال کے ساتھ) نام  کا معنی ہے: پناہ میں آنے والی، پناہ لینے والی، یہ مفہوم اچھا ہے، لہٰذا یہ (عائذہ) نام رکھنا درست ہے،فرق کرنا مشکل ہو گا، نہ رکھنا ہی بہتر ہے ۔

زیادہ بہتر یہ ہے کہ صحابیات کے ناموں میں سے یا عمدہ معانی والے اسماء میں سے کسی نام کا انتخاب کریں،جامعہ کی ویب سائٹ اور ایپلی کیشن میں "اسلامی ناموں" کےعنوان سے ایک آپشن موجود ہے، جس میں سے آپ نام کا انتخاب کرسکتے ہیں۔

تکملۃالمعاجم العربیۃ میں ہے:

"‌عائز: محتاج، فقير، معسر."

(ج7،ص351،ط؛وزارۃ الثقافۃ والاعلام۔الجمہوریۃ العراقیہ)

فقط واللہ اعلم