جس کمرے میں اعتکاف میں بیٹھے ہیں اس جگہ کی صفائی کرسکتے ہیں؟
عورت گھر میں کمرے کے اندر جس جگہ کو اعتکاف کے لیے مختص کرے گی وہ جگہ اس کے لیے اعتکاف میں ایسی ہوگی جیسے مردوں کے لیے مسجد ہے، اس جگہ سے بغیر کسی طبعی اور شرعی ضرورت کے باہر نکلنا جائز نہیں ہوگا، اس سے اعتکاف فاسد ہوجائے گا، لہذا اگر عورت اعتکاف کے لیے مختص کی گئی جگہ کی صفائی کرے تو اس میں کوئی حرج نہیں ہے، لیکن اگر اعتکاف والی جگہ سے باہر کی صفائی کرے تو اس کا اعتکاف فاسد ہوجائے گا۔
نیز واضح رہے کہ مردوں کے لیے گھر میں اعتکاف کرنے سے اعتکاف کی سنت ادا نہیں ہوگی۔ فقط واللہ اعلم
فتوی نمبر : 144109203055
دارالافتاء : جامعہ علوم اسلامیہ علامہ محمد یوسف بنوری ٹاؤن