سوال

 کچھ عرصہ پہلے میں موٹرسائیکل پر سفر کررہا تھا کہ میں نے ساتھ سے گزرتے ہوئے ایک اور سوار کے پاس ایک عینک دیکھی اور شیطان نے مجھے فتنے میں مبتلا کر دیا،  میں نے دورانِ  سفر ہی موٹرسائیکل اس کے قریب کیا اور وہ عینک چھین کر رفتار بڑھا دی اور فرار ہو گیا،  اب بعد میں میں اپنے اس فعل پر نادم ہوں اور اللہ تعالی کے حضور معذرت خواہ ہوں، لیکن میں اس آدمی کو نہیں جانتا اور اس سے معافی نہیں مانگ سکا اور اس کی عینک واپس نہیں کرسکا، میرے اس گناہ کا کفارہ کیا ہوگا؟

جواب

صورتِ  مسئولہ میں آپ نے ایک ناجائز کام کا ارتکاب کیا ہے جس پر توبہ و استغفار کرنا لازم ہے۔ نیز اگر اس عینک کے اصل مالک کا معلوم ہونا مشکل ہو اور عینک موجود ہو تو اس کی طرف سے اسے  مستحقِ زکات کو صدقہ کردیا جائے، ورنہ اس کی قیمت اس کی طرف سے  مستحق کو صدقہ کردی جائے۔  فقط واللہ اعلم