سوال

دودھ کی دکان پر ہمیں ایک کلو دودھ  950 گرام کے حساب سے  ملتا ہے، تو ہم بھی اسی  لیے اس کو  اسی حساب سے آگے بیچتے ہیں، تو اس میں کوئی مسئلہ تو نہیں ہے؟ اس کام میں بچت بھی بہت کم ہے!

جواب

اگر آپ کے پاس ایک کلو یا ایک لیٹر دودھ  950 گرام یا ملی لیٹر کے حساب سے آتا ہے تو آپ کے  لیے آگے بھی اسی حساب سے دینا اس شرط پر  جائز ہوگا جب کہ آپ خریدار کو اس بات سے مطلع  کردیں کہ ہم ایک کلو  یا ایک لیٹر دودھ آپ کو  950 گرام یا ملی لیٹر کے حساب سے دیں گے، خریدار کو بتائے بغیر ایسا کرنا جائز نہیں ہوگا۔ فقط واللہ اعلم