سوال

 اگر کسی شخص نے اپنے گاؤں کی مسجد میں دوسرے گاؤں کے شخص کو اعتکاف میں بٹھایا اور اس گاؤں کا کوئی فرد اعتکاف میں نہیں بیٹھا تو کیا ان گاؤں والوں کے طرف سے اعتکاف ادا ہوگا؟

جواب

صورتِ مسئولہ میں جس گاؤں کی مسجد میں دوسرے گاؤں کا کوئی شخص اعتکاف  کرے  گا  تو اس گاؤں کی مسجد  سے متعلق اعتکاف کی سنت ادا ہوجائے گی، مگر گاؤں کے لوگوں کو چاہیے کہ خود ہی اعتکاف  کریں، دوسرے محلہ سے کسی کو بلا کر اعتکاف کرا  کے خود  کو ثواب  سے محروم نہ  کریں۔ 

مجمع الانہر میں ہے:

"(هو سنة مؤكدة) وقيل مستحب وقيل سنة على الكفاية حتى لو ترك أهل بلدة بأسرهم يلحقهم الإساء وإلا فلا كالتأذين."

(مجمع الانهر، كتاب الصوم، باب الاعتكاف، ج:1، ص:255، ط:دار احياء  التراث  العربي)

فتاوی محمودیہ میں ہے:

"جس محلہ کی مسجد  میں اعتکاف کرے گا اس مسجد  سے متعلق سنت اعتکاف  ادا ہوجائے گی، مگر اہل محلہ کو  چاہیے  کہ خود ہی اعتکاف  کریں، دوسرے محلہ سے بلاکر  اعتکاف  کرا کے خود محروم نہ  رہیں۔" 

(باب الاعتکاف، ج:10، ص:230، ط:ادارۃ الفاروق)

فقط واللہ اعلم