سوال

کیا کچھ عرصے بعد میاں بیوی کو اپنا نکاح دہرانا چاہیے؟

جواب

فقہاءِ کرام رحمہم اللہ  نے احتیاطاً تجدید نکاح کی یہ صورت  لکھی  ہے کہ  ناواقف لوگوں کو چاہیے کہ وہ مہینہ میں ایک یا دو مرتبہ نکاح کی تجدید کرلیا کریں؛ اس لیے کہ غلطی  میں ان سے کہیں  کوئی کفریہ کلمہ سرزد نہ ہوگیا ہو اور اگر مردوں سے نہیں تو عورتیں اس طرح غلطیاں بہت کرتی ہیں۔ تاہم  تجدید نکاح کا یہ حکم احتیاطاً ہے، لازمی نہیں۔

الدر المختار وحاشية ابن عابدين میں ہے:

"والاحتياط أن يجدد الجاهل إيمانه كل يوم ويجدد نكاح امرأته عند شاهدين في كل شهر مرة أو مرتين، إذ الخطأ وإن لم يصدر من الرجل فهو من النساء كثير".

(مقدمة رد المحتار، ج: 1/ صفحة: 42، ط: ایچ، ایم، سعید)

فقط و الله أعلم