آغاز اللہ نام رکھنا کیسا ہے؟ شریعت اسلامی کے مطابق درست ہے یا نہیں؟ بعض لوگ کہتے ہیں یہ نام رکھنا درست نہیں ہے۔
آغاز اردو زبان کا لفظ ہے ، آغاز اللہ كا معنی ہے :" اللہ کا آغاز" تو یہ نام رکھنا شرعاً ہر گز درست نہیں ، اس لئے کہ اللہ تعالیٰ کی ذاتِ ازل سے ہے، اس کی نہ کوئی ابتدا ہے نہ انتہاء، وہ ذات آغاز و انجام سے پاک ہے۔
لهذا اس کی بجائے انبیاء کرام علیہم السلام ، صحابہ کرام رضوان اللہ علیہم اجمعین کے ناموں پر نام رکھ لیا جائے یا اچھا اور بامعنی نام ركھا جائے ۔
الفقہ الأکبر میں ہے:
"صِفَات الله أزلية
"لم يزل عالما بعلمه والعلم صفة في الأزل وقادرا بقدرته والقدرة صفة في الأزل ومتكلما بكلامه والكلام صفة في الأزل وخالقا بتخليقه والتخليق صفة في الأزل وفاعلا بفعله والفعل صفة في الأزل والفاعل هو الله تعالى والفعل صفة في الأزل والمفعول مخلوق وفعل الله تعالى غير مخلوق."
(الفقه الأكبر، ص18، الناشر: مكتبة الفرقان - الإمارات العربية)
فقط واللہ اعلم
فتوی نمبر : 144404100504
دارالافتاء : جامعہ علوم اسلامیہ علامہ محمد یوسف بنوری ٹاؤن