سوال

اگر کوئی لڑکی کسی لڑکے کے ساتھ بھاگ جائے اور اس کو ڈھونڈ لیا جائے، پھر اس سے کیا سلوک کیا جائے؟

جواب

کسی بھی لڑکی کا کسی لڑکے کے ساتھ بھاگ جانا بہت ہی بے حیائی، اور نہایت قابلِ مذمت فعل ہے، بہرحال! جب ایک مرتبہ بھاگ جانے کے بعد لڑکی کو ڈھونڈ لیا جائے تو اس کے بعد اگر گھر والے یہ سمجھتے ہوں کہ نرمی اور محبت سے اس کو بات سمجھائی جا سکتی ہے اور آئندہ وہ  ایسی کوئی حرکت نہ کرے گی تو نرمی سے اس کو سمجھایا جائے اور اگر گھر والے یہ سمجھتے ہوں کہ لڑکی کے لیے مناسب سختی کرنا ضروری ہے تو سختی بھی کی جا سکتی ہے؛ تاکہ وہ مستقبل میں ایسا کوئی واقعہ پیش نہ آئے، لیکن غیرت کے نام پر قتل کرنا جائز نہیں۔

فقط واللہ اعلم