اگر بچہ مسلمان کے گھر پیدا ہو، پھر وفات پا جائے، مگر اذان کا موقع نہ ملے اور دوگھنٹوں بعد وفات پا جائے تو پھر بھی مسلمان کی نمازِ جنازہ پڑھی جائے گی؟
واضح رہے کہ نو مولود میت کی نمازِ جنازہ پڑھنے سے متعلق ضابطہ یہ ہے کہ جو بچہ زندہ پیدا ہو کر آواز نکالے اُس کی نمازِ جنازہ پڑھی جائے گی اور جو مُردہ پیدا ہو اُس کی نمازِ جنازہ نہیں پڑھی جائے گی، نمازِ جنازہ کا مدار بچے کے کانوں میں اذان دینے پر نہیں رکھا گیا، لہذا اگر کوئی بچہ پیدا ہو اور دو گھنٹے کے بعد وفات پا جائے تو اُس کی نمازِ جنازہ پڑھی جائے گی، اگرچہ اُس کے کانوں میں اذان دینے کا موقع نہ ملا ہو۔
النهر الفائق شرح كنز الدقائق (1/ 397):
"ومن استهل صلي عليه وإلا لا."
فقط واللہ اعلم
فتوی نمبر : 144203200962
دارالافتاء : جامعہ علوم اسلامیہ علامہ محمد یوسف بنوری ٹاؤن