سوال

اگر ایک ہی سورت بار بار پڑھ رہے ہو اور اس سورت میں سجدۂ تلاوت ہو، تو کیا ایک بار سجدۂ تلاوت کافی ہوگا یا جتنی دفعہ آیت سجدہ پڑھی ہو اتنے سجدے کرنے ہوں گے؟

جواب

صورت مسئولہ میں اگر آیتِ سجدہ والی سورت ایک ہی مجلس میں بار بارپڑھی ہے تو ایک ہی سجدہ واجب ہوگا اور اگر مختلف مجالس میں پڑھی تو جتنی مرتبہ مجلس مختلف ہوتی رہی اتنے سجدے واجب ہوں گے۔

حاشیۃ طحطاوی علی مراقی الفلاح میں ہے:

"كمن كررها أي الآية الواحدة في مجلس واحد" حيث تكفيه سجدة واحدة .......... لأن النبي صلى الله عليه وسلم كان يقرؤها على أصحابه مرارا ويسجد مرة."

(کتاب الصلوۃ ، باب سجود التلاوۃ ص : 494،ط : دارالکتب العلمیةبیروت )

در مختار میں ہے:

"(ولو كررها في مجلسين تكررت وفي مجلس) واحد (لا) تتكرر بل كفته واحدة."

(کتاب الصلوۃ ، باب سجود التلاوۃ،2/ 114، ط : دارالفکر)

فقط و اللہ اعلم