سوال

لڑکی کے لیے افزاء نام رکھنا کیسا ہےاور اس کے معنی کیا ہے؟ اگر یہ   نام رکھنا صحیح ہے تو اس کےساتھ دوسرا نام کون سا ہونا  چاہیے؛ تاکہ دونوں کا معنی صحیح ہو؟

جواب

لفظِ  "افزا " ترکیب میں جزو دوم کے طور پر  استعمال ہوتا ہے اور  "افزا"  کے  معنی ہیں :بڑھانے والا ، اضافہ کرنے والا یا بالیدگی پیدا کرنے والا ۔(اردو لغت ، جلد ۱ ص:۶۱۱ ط:ترقی اردو بورڈ ، کراچی)

اگر اس کے ساتھ نور ملا لیاجائے تو اس کا معنی ہوگا زیادہ روشنی کے لہذا   "نور افزا "  نام رکھنا صحیح ہے،  البتہ صحابیات رضی اللہ عنہن کے ناموں میں سے کوئی نام رکھا جائے تو زیادہ مناسب ہے۔

فقط و اللہ اعلم