سوال

اگر 21 دن گزر جائیں اور عقیقہ نہ کیا جا سکے تو پہلے دو مہینوں میں اگر عقیقہ کرنا ہو تو کون سے دن کرنا چاہیے اور دنوں کی گنتی کس طرح کرنی چاہیے؟

جواب

 اکیس دن گزرنے کے بعد بھی  ساتویں دن کی رعایت   افضل ہے، اس کا آسان طریقہ یہ ہے کہ جس دن بچہ پیدا ہوا اس سے پہلا دن عقیقہ  کے لیے تجویز کیا جائے، ساتویں دن کی رعایت ہوجائے گی، مثلاً جمعہ کو پیدائش ہوئی ہے تو جمعرات کو عقیقہ کریں۔ ساتواں، چودہواں، اکیسواں، اٹھائیسواں، پینتیسواں ۔۔۔  دن یہی ہوگا۔

اعلاء السنن میں ہے:

’’ أنها إن لم تذبح في السابع ذبحت في الرابع عشر، وإلا ففي الحادي والعشرین، ثم هکذا في الأسابیع‘‘.

(17/117، باب العقیقة، ط: إدارة القرآن والعلوم الإسلامیة)

فقط والله أعلم