سوال

 مسئلہ یہ ہے کہ بعض لوگ سم کے کمپنی سے بیس روپے یاتیس روپے قرض مانگتے ہیں اورکمپنی والے دیتےہیں ، بعدمیں کمپنی والے ہمارے سےبیس کے بجائے پچیس روپے کاٹتےہیں، کیایہ جائز ہےپانچ روپے کاٹنا؟

جواب

صورتِ مسئولہ میں سم کمپنیاں ایڈوانس بیلنس کی واپسی کی صورت میں جو چارچز کی مد میں کٹوتی کرتی ہیں اگر وہ  نقد بیلنس لینے کی صورت میں جو چارچز  ،اور  صارف کی طرف سے کمپنی کو بھیجا گیا ایڈوانس بیلنس کا میسج کے چارجز سے زائد نہیں ہے  تو پھر ایڈوانس بیلنس لینا جائز ہے ،اور اگر ایڈوانس بیلنس کی صورت میں نقد بیلنس کے چارجز اور بھیجے گئے میسج یعنی دونوں کے مجموعی رقم سے زیادہ کٹوتی کرتے ہیں تو پھر ایڈوانس بیلنس  لینا اور دینا  سود ہونے کی وجہ سے ناجائز اور حرام ہے۔

فتاوی شامی میں ہے:

" قوله ‌كل ‌قرض جر نفعا حرام) أي إذا كان مشروطا "۔

(الدر المختار مع رد المحتار، كتاب البيوع ، فصل في القرض  5/ 166 ط:سعید)

فقط واللہ اعلم