سوال

میں مغرب کی نماز کے دو فرض پڑھ کے تیسری رکعت کے لیے کھڑا ہوا تو عشاء کی اذان کی آواز ائی تو میری مغرب کی نماز ہو جائے گی یا نہیں!

جواب

بصورتِ مسئولہ آپ کی مغرب کی نماز ادا ہوگئی، اسے دہرانے کی ضرورت نہیں۔

البتہ یہ نماز ادا شمار ہوگی یا قضا؟ اس کا مدار اس بات پر ہے کہ آپ نے مغرب کی  نماز  کس وقت شروع کی، اگر آپ نے مغرب کے وقت میں نماز شروع کی اور نماز کے دوران عشاء کا وقت داخل ہوا، پھر مؤذن اذان دی تو آپ کی نمازِ مغرب ادا شمار ہوگی۔ اور اگر آپ نے مغرب کی نماز عشاء کا وقت داخل ہونے کے بعد شروع کی تھی، اور اذان نہ ہونے کی وجہ سے آپ سمجھے کہ مغرب کا وقت باقی ہے تو مغرب کی نماز قضا شمار ہوگی۔

بہر صورت نماز ہوگئی ہے، لوٹانے کی ضرورت نہیں ہے۔ فقط واللہ اعلم