سوال

 اللہ پاک نے مجھےایک پیارا سا بیٹا عطا کیا ہے،جو ۵جولائی بروز پیر کو رات ٩ بجے پیدا ہوا، جس کا نام میں (محمد عبدالھادی)  رکھنا چاہتا ہوں ،کیا میں یہ نام اپنے بیٹے کا رکھ سکتا ہوں؟

جواب

"ہادی" اللہ تعالی کے صفاتی ناموں میں سے ہے ، اس کا معنی ہے "ہدایت دینے والی ذات"،  لہذا عبد الھادی کا معنی ہوا "ہدایت دینے والی ذات کا بندہ" ، اور ناموں کے شروع میں  "محمد" کا اضافہ برکت کے لیے کیا جاتا ہے، لہذا "محمد عبد الہادی" نام رکھنا درست بھی ہے اور اچھا بھی ہے،تاہم واضح ہو کہ نام رکھنے سے پیدائش کے دن، تاریخ اور وقت  کا کوئی تعلق نہیں ہے۔فقط واللہ اعلم