سوال

{ان اللّٰهَ و ملائكته یصلون على النبی} والی آیت فرض نماز کے بعد دعا میں پڑھنا کیا ضروری ہے؟

جواب

رسول اللہ صلی اللہ علیہ وسلم پر درود شریف پڑھنا نہایت محبوب اور نیک عمل ہے،  اس کا حکم خود اللہ تعالیٰ نے قرآنِ مجید میں فرمایا ہے؛   لہذا اگر کوئی شخص التزام اور کسی خاص اجتماعی ہیئت کے بغیر  نماز کے بعد درود شریف پڑھتا ہے اور اس میں یہ آیت بھی پڑھتا ہے تو بلا شبہ اچھا عمل ہے، لیکن نہ تو اس کو لازم سمجھا جائے اور نہ اس کی کوئی خاص اجتماعی ہیئت بنائی جائے، نیز اس طرح جہری طور پر بھی نہ پڑھا جائے جس کی وجہ سے نمازیوں کی نماز میں خلل واقع ہو۔

مختصر یہ کہ سوال میں مذکورہ آیت نماز کے بعد پڑھنا ضروری نہیں ہے، اور باجماعت جہرًا اس کا اہتمام ثابت نہیں ہے۔ فقط واللہ اعلم