سوال

ایک حافظ ،قاری یا عالم  کی ایک عام بندہ کے پیچھے نماز پڑھنے کا کیا حکم ہے ؟اتفاقاً مسجد بندہ جائے اور آگے عام بندہ ہو،  پینٹ شرٹ میں ملبوس ہو ،سر پہ ٹوپی نا ہو تو اس کے پیچھے نماز پڑھ سکتے ہیں کہ نہیں؟

جواب

صورتِ مسئولہ میں  پینٹ شرٹ پہنے ہوئے عام آدمی ، جس کے سر پہ ٹوپی نہ ہو اگر درست مخارج و صفاتِ ذاتیہ لازمہ کے ساتھ قراءت کرنے پر قادر ہو تو  حافظ، قاری یا عالم کے لیے اس کی اقتدا میں نماز ادا کرنا درست ہے۔البتہ   پینٹ شرٹ پہننا،اور ننگے سر رہنا  صلحاء کاشیوہ نہیں ہے اس لئے مستقل  پینٹ شرٹ پہننے  اور ننگے سر رہنے والے امام کی امامت مکروہ ہوگی۔

البتہ  اگر عام آدمی درست مخارج و صفات ذاتیہ لازمہ کے ساتھ قرات کرنے پر قادر نہ ہو ، جس کی وجہ سے معنی میں تغیر فاحش لازم آرہا ہو ،  تو ایسی صورت میں اس کی نماز  ہی درست نہیں ہوگی اور جو نماز اس کی اقتدا میں ادا کی گئی ہو اس کا اعادہ کرنا لازم ہوگا۔

فتاوی شامی میں ہے:

"و منها: القراءة بالإلحان، إن غير المعني و إلا لا".

( فروع مشى المصلي مستقبل القبلة هل تفسد صلاته، ج: 1، ص: 630، ط: سعيد) 

وفیہ ایضاً:

"وإن غیر المعنی تغیراً فاحشاً فإن قرأ: ” وعصی آدم ربه فغوی “ بنصب میم ” اٰدم “ ورفع باء ” ربه “……… وما أشبه ذلک لو تعمد به یکفر، وإذا قرأ خطأً فسدت صلاته..."

(الفتاوی الخانیة علی هامش الهندیة، ج: 1، ص: 148، ط: المطبعة الکبری الأمیریة، بولاق، مصر)

فقط واللہ اعلم