غیر عالم کا جمعہ کے وقت بیان کرنا کیساہے ؟ ہماری مسجد میں امام صاحب گاؤں گئے ہیں، جمعہ کا بیان ایک چار ماہ لگایا ہوا شخص کرے تو کیسا ہے ؟ (جب کہ کسی عالم کو تلاش کیا جائے تو مل سکتا ہے ۔)جب ہم نے اعتراض کیا تو کہتے ہیں کہ ہم بیان نہیں کرتے ہیں، ہم بات کرتے ہیں ۔
جمعے کے خطبے سے پہلے بیان کا مقصد یہ ہوتا ہے کہ لوگوں میں دینی شعور بیدار کرکے انہیں دین کے مطابق عمل کرنے پر آمادہ کیا جائے؛ لہذا اگر باشرع متدین عالمِ دین میسر ہو تو بہتر ہے کہ اس سے ہی بیان کرایا جائے۔ فقط واللہ اعلم
فتوی نمبر : 144208200162
دارالافتاء : جامعہ علوم اسلامیہ علامہ محمد یوسف بنوری ٹاؤن