کیا چار رکعت والی نماز کی آخری دو رکعت میں الحمد (سورۃ فاتحہ) پڑھنا واجب ہے؟
امام اور اکیلے نماز پڑھنے والےشخص پر فرض نمازوں کی پہلی دو رکعتوں میں سورۃ الفاتحۃ پڑھنا واجب ہے، آخری دو رکعتوں میں سنت ہے، فرض کے علاہ باقی نمازوں کی تمام رکعتوں میں سورۃ الفاتحۃ پڑھنا واجب ہے، جب کہ مقتدی جہری اور سری نمازوں میں امام کے پیچھے خاموش کھڑا رہے گا، امام کی قراءت اس کی جانب سے قراءت ہے۔
فتاوی عالمگیری میں ہے:
"وتجب قراءة الفاتحة وضم السورة أو ما يقوم مقامها من ثلاث آيات قصار أو آية طويلة في الأوليين بعد الفاتحة كذا في النهر الفائق وفي جميع ركعات النفل والوتر. هكذا في البحر الرائق."
(کتاب الصلوٰۃ، الباب الرابع فی صفة الصلوٰة، ص:71، ج:1، ط:رشیدیه)
فقط والله اعلم
فتوی نمبر : 144307100665
دارالافتاء : جامعہ علوم اسلامیہ علامہ محمد یوسف بنوری ٹاؤن