میں اللہ سے یہ دعا مانگتا ہوں کہ یا اللہ میرے جسم کو سخت گرمی میں قدرتی طور پرٹھنڈا کردینا کہ مجھے زیادہ گرمی نہ لگے کہ میں گرمی برداشت کرسکوں اوراسی طرح سردی میں بھی یہ دعا مانگتا ۔
واضح رہے کہ ہر موسم اور ہر وقت اللہ پاک سے عافیت کی دعا مانگنی چاہیے حضور ﷺ نے اللہ تبارک وتعالی سے عافیت کی دعا مانگنے کی تلقین فرمائی تھی ۔
صورت مسئولہ میں سائل اللہ پاک سے گرمی میں بھی اور سردی میں بھی اور ہر وقت عافیت اور آسانی کی دعا مانگے ۔
حدیث شریف میں ہے :
"عَنِ العَبَّاسِ بْنِ عَبْدِ الْمُطَّلِبِ رضی اللہ عنہ ، قَالَ: قُلْتُ: یَا رَسُولَ اللّٰہِ! عَلِّمْنِی شَیْئًا أَسْأَلُہُ اللّٰہَ عَزَّ وَجَلَّ، قَالَ: سَلِ اللّٰہَ العَافِیَۃَ، فَمَکَثْتُ أَیَّامًا ثُمَّ جِئْتُ فَقُلْتُ: یَا رَسُولَ اللّٰہِ! عَلِّمْنِيْ شَیْئًا أَسْأَلُہُ اللّٰہَ، فَقَالَ لِیْ: یَا عَبَّاسُ! یَا عَمَّ رَسُوْلِ اللّٰہِ! سَلِ اللّٰہَ العَافِیَۃَ فِيْ الدُّنْیَا وَالْآخِرَۃِ".
(ترمذی ،ابواب الدعوات،191/2،قدیمی)
فقط واللہ اعلم
فتوی نمبر : 144410101503
دارالافتاء : جامعہ علوم اسلامیہ علامہ محمد یوسف بنوری ٹاؤن