سوال

کیا فرماتے ہیں مفتیان کرام اس مسئلہ کے بارے میں :

ہم 5بھائی اور 3 بہنیں ہیں،  کل ترکہ گھر کی مالیت والدین کے وفات کے بعد گھر کو فروخت کردیا، جس کی مالیت تقریباً 3900000 بنتی ہے، مرحوم پر 500000 کا قرضہ ہے، ہر ایک کا کتنا حصہ بنے گا؟

جواب

صورتِ مسئولہ میں   مرحوم  کے ترکہ کو تقسیم کرنے کا شرعی طریقہ یہ ہے،کہ مرحوم کے حقوق ِمتقدمہ یعنی میت کے کفن دفن کے اخراجات نکالنے کے بعد ، مرحوم  پر  جو 500000 روپے کا قرضہ ہے اس کی کل مال سے  ادائیگی کے بعد، اور اگرمرحوم  نے  کوئی جائز  وصیت کی ہو تو اس   کو  باقی ترکہ کے ایک تہائی سے نافذ کرنے کے بعد  ،بقیہ ترکہ منقولہ و غیر منقولہ کو 13 حصوں میں تقسیم کرکے  مرحوم کے ہر ایک بیٹے کو 2/2 حصے اور مرحوم کی ہر ایک بیٹی کو 1/1 حصہ ملے گا۔ 

صورتِ تقسیم یہ ہے:

میت:والدین: مسئلہ: 13

یعنی 39 لاکھ  روپے میں سے 5 لاکھ  روپے قرضہ کی ادائیگی کے بعد بقیہ 34 لاکھ روپے  میں سے ہر ایک بیٹے کو 523076.9231 روپے اور  مرحوم کی ہر ایک بیٹی کو 261538.4615 روپے ملیں گے۔

نوٹ: اگر آپ کے والدین کے والدین میں سے کوئی ایک بھی زندہ ہو تو اس صورت میں ان کی تفصیل  تحریر کرکے مذکورہ مسئلہ دوبار ہ معلوم کرلیا جاۓ۔فقط واللہ اعلم