سوال

اک دوست نے میرے کاروبار میں 3 ماہ کے لیے رقم انویسٹ کی اور جائز منافع وصول کر لیا، مگر اصل رقم واپس نہیں لی۔ اب مزید 3 ماہ بعد وہ پھر منافع کا مطالبہ کر رہا ہے جب کہ میں نے اس کی رقم سے واضح کوئی اشیاء نہیں خرید کر بیچی۔ اب اس صورت میں کیا حکم ہے؟

جواب

آپ کے اور آپ کے دوست کے مابین  تین ماہ کا جو معاہدہ ہوا تھا،  اگر اس کے مطابق آپ نے اس کو منافع دے دیاتھا، اور مزید نئی مدت کے لیے معاہدہ نہیں ہوا تھا اور آپ نےاس کو رقم واپس لینے کا بھی کہہ دیا تھا تو اس مدت کے بعد پھر یہ آپ کے کاروبار میں آپ کا شریک نہیں ، آپ پر مزید کوئی نفع دینا لازم نہیں ۔اس کی اصل رقم آپ کے پاس بطورِ امانت ہے، اسے واپس کرنا لازم ہوگا۔فقط واللہ اعلم