کیا دو عورتیں گھر میں اکٹھے اعتکاف میں بیٹھ سکتی ہیں ؟
دو یا دو سے زیادہ عورتیں اکھٹے گھر میں اعتکاف کرسکتی ہیں ،البتہ جب اکھٹے اعتکاف میں بیٹھیں تو آپس میں فضول بات چیت سے گریز کریں ، ایسا نہ ہو کہ اعتکاف کا جو مقصد ہے کہ یک سوئی کے ساتھ اللہ کی عبادت کرنا، اس میں خلل واقع ہوجائے اور صرف نام کا اعتکاف باقی رہ جائے ،روح ختم ہوجائے ۔
فتاوی ہندیہ میں ہے:
"والمرأة تعتكف في مسجد بيتها، إذا اعتكفت في مسجد بيتها فتلك البقعة في حقها كمسجد الجماعة في حق الرجل، لاتخرج منه إلا لحاجة الإنسان، كذا في شرح المبسوط للإمام السرخسي".
(الباب السابع فی الاعتکاف، ج:1 ص:311 ط: مکتبه حقانیه)
فقط واللہ اعلم
فتوی نمبر : 144209201399
دارالافتاء : جامعہ علوم اسلامیہ علامہ محمد یوسف بنوری ٹاؤن