میں نے اکثر لوگوں سے سنا ہے کہ اگر کوئی شخص جس کا انتقال ہو چکا ہو، اگر وہ شخص آپ کے خواب میں آیا اور آپ سے کچھ لے لیا، تو آپ کے کسی قریبی رشتہ دار کی موت ہو جائے گی. اور اگر اس نے کچھ مانگ لیا لیکن لیا نہیں، تو اس کا مطلب یہ ہے کہ وہ مردہ اپنے حق میں صدقہ چاہتے ہیں. برائے مہربانی وضاحت فرما دیں کہ آیا ایسی بات ہے کہ نہیں؟
اس کی اچھی تعبیر یہ ہے کہ میت نے جو چیز لے لی ہے، آپ کی طرف سے جو صدقات کیے گئے ہیں وہ ان تک پہنچ چکے ہیں۔ اور اگر میت نے کچھ مانگا ہے تو اس کا مطلب یہ ہے کہ وہ ایصالِ ثواب کے متمنی ہیں۔
البتہ ضروری نہیں ہے کہ ہر ایک کے حق میں ایک ہی تعبیر ہو، دیکھنے والے شخص، دیکھی جانے والی چیز اور دیگر عوارض و احوال کی وجہ سے تعبیر میں فرق آتا ہے۔ فقط واللہ اعلم
فتوی نمبر : 144012201979
دارالافتاء : جامعہ علوم اسلامیہ علامہ محمد یوسف بنوری ٹاؤن