سوال

 میں پولیس میں ہوتا ہوں،  میری ڈیوٹی میرے گھر سے  110 کلومیٹر کے فاصلے پر لگی ہے،  ہم تین ساتھی ہیں، دو  دو  دن کی ڈیوٹی کرتے ہیں،  یوں ہر ساتھی دو دن کی ڈیوٹی کرتا ہے اور چار دن گھر میں گزارتا ہے، تو اس صورت میں اپنی ڈیوٹی والی جگہ پر ہم نماز مسافر والی پڑھیں گے یا مقیم والی؟ 

جواب

صورتِ  مسئولہ میں جہاں آپ کی ڈیوٹی ہے، وہ آپ کا وطنِ اصلی نہیں،  البتہ اگر وہاں آپ کا کمرہ ہے اور  سامان ہے، نیز آپ نے وہاں ایک مرتبہ 15 دن اقامت اختیار کی ہے تو وہ جگہ آپ کے لیے وطنِ اقامت ہے، آپ وہاں پوری نماز پڑھیں گے۔ اور اگر آپ نے  وہاں  ایک مرتبہ بھی 15 دن اقامت اختیار نہیں کی ہے تو  وہ جگہ آپ کے لیے وطنِ اقامت بھی نہیں ہے، لہذا آپ وہاں مسافر والی نماز یعنی قصر پڑھیں گے۔

بدائع الصنائع في ترتيب الشرائع (1 / 103):

"(ووطن) الإقامة: وهو أن يقصد الإنسان أن يمكث في موضع صالح للإقامة خمسة عشر يومًا أو أكثر."

فقط واللہ اعلم