عید کے موقع پر ایک ہزار کی گڈی پر 2 سو روپیہ اضافی رقم دینا جائز ہے یا نہیں?
صورتِ مسئولہ میں ایک ہزار روپے کی گڈی پر 2 سو روپے اضافی رقم دینا سود ہے جو کہ ناجائز اور حرام ہے۔ بوقتِ ضرورت یہ صورت اختیار کی جاسکتی ہے کہ ہزار روپے کی گڈی کے ساتھ کوئی چیز (خواہ کم قیمت ہو) ساتھ ملاکر بارہ سو روپے میں فروخت کردی جائے، ہزار روپے بمقابلہ ہزار روپے اور دوسو روپے کی وہ چیز شمار ہوجائے گی۔
الدر المختار وحاشية ابن عابدين میں ہے:
"أن الربا هو الفضل الخالي عن العوض". (5 / 21، سعید) فقط والله أعلم
فتوی نمبر : 144110200731
دارالافتاء : جامعہ علوم اسلامیہ علامہ محمد یوسف بنوری ٹاؤن