میرے مرحوم بھائی کے حادثے میں انتقال پر ملنے والی رقم کے بارے میں ہم نے آنجناب سے رائے لی تھی، جس کے جواب میں فرمایا گیا کہ یہ رقم بطورِ میراث تقسیم ہوگی اور ایک دوسرے دارالافتاء سے ہم نے معلوم کیا تو انہوں نے فرمایا کہ یہ رقم بطور ہبہ کے تقسیم ہوگی۔ برائے کرم ہماری تشفی فرمادیں کہ ہم کس رائے پر عمل کریں، دونوں فتووں کی کاپی منسلک ہے۔
جب یہ رقم حادثے کے نتیجے میں ہونے والی موت کی وجہ سے دی گئی ہے تو یہ ایک طرح سے دیت ہی ہے اور دیت (جیساکہ سابقہ فتوی میں لکھا گیا ہے)مرحوم کے ورثاء میں بطور میراث تقسیم ہوتی ہے،اور یہ باقاعدہ پاکستانی عدالت کے جج سے معلومات لی گئی تھی ۔ فقط واللہ اعلم
فتوی نمبر : 144408101745
دارالافتاء : جامعہ علوم اسلامیہ علامہ محمد یوسف بنوری ٹاؤن