بِسْمِ اللَّهِ الرَّحْمَنِ الرَّحِيم

- 14 نومبر 2019 ء

دارالافتاء

 

یوفون کا انٹرنیٹ بذریعہ ایپلیکیشن مفت میں استعمال کرنا


سوال

ایک ایپلیکیشن ہے اس کے ذریعے یوفون کی سم سے انٹرنیٹ بالکل فری چلتا ہے۔  اس ایپ کے ذریعے یوفون کی سم سے انٹرنیٹ فری چلانا کیسا ہے؟  جائز ہے یا نا جائز؟ اگر ناجائز ہے، کمپنی والوں کو فون کرکے کہہ دیں کہ میں اس طرح فری نیٹ استعمال کرتا ہوں مجھے اجازت دیں، اگر وہ اجازت دیں تب کیا حکم ہوگا؟

جواب

صورتِ مسئولہ میں اگر مذکورہ ایپلیکیشن یوفون کے نظام میں غیر قانونی طور پر دخل اندازی کرکے انٹرنیٹ استعمال کیے  جانے کی اطلاع دینے والے سگنلز کو جام کر دیتی ہو، تو ایسی صورت میں مذکورہ ایپلیکیشن کا استعمال شرعاً درست نہ ہوگا۔ نیز ہیلپ لائن پر موجود افراد کمپنی کی طرف سے فری انٹرنیٹ استعمال کرنے کی اجازت دینے کے مجاز نہیں، لہذا ان کو خبر دینے کے باوجود مذکورہ ایپلیکیشن کے توسط سے مفت میں انٹرنیٹ استعمال کرنے کی اجازت نہ ہوگی۔ فقط واللہ اعلم


فتوی نمبر : 144010200156

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاشں

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے یہاں کلک کریں، سوال بھیجنے کے بعد جواب کا انتظار کریں۔سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے

سوال پوچھیں

ہماری ایپلی کیشن ڈاؤن لوڈ کرنے کے لیے