بِسْمِ اللَّهِ الرَّحْمَنِ الرَّحِيم

8 شوال 1441ھ- 31 مئی 2020 ء

دارالافتاء

 

کرسی پر بیٹھے ہوئے شخص کے برابر میں زمین پر بیٹھ کر تلاوت کرنے کا حکم


سوال

مسجد میں بیماری کی وجہ سے کرسی پر بیٹھنے والے شخص کے سامنے نیچے بیٹھ کر تلاوت کر نا کیسا ہے؟

جواب

اگر کوئی شخص پہلے سے کرسی پر بیٹھ کر نماز یا تلاوت میں مشغول ہو تو دوسرے شخص کو اس کے بالکل برابر میں آکر زمین پر بیٹھ کر تلاوت نہیں کرنی چاہیے، بلکہ کچھ فاصلہ سے بیٹھنا چاہیے، لیکن اگر کوئی شخص نادانی میں آکر اس کے برابر میں زمین پر بیٹھ کر تلاوت کرنے لگے تو اگر کرسی والے شخص کو کوئی عذر مانع نہ ہو تو اسے چاہیے کہ وہ بھی قرآنِ کریم کے ادب میں نیچے اتر  آئے۔

 یہ ساری تفصیل اس صورت میں ہے جب کہ زمین پر بیٹھ کر قرآن پڑھنے  والا قرآن کا نسخہ ہاتھ میں لے کر تلاوت کر رہا ہو، لیکن اگر  زمین پر بیٹھ کر تلاوت کرنے والا مصحف  کے بغیر زبانی تلاوت کر رہا ہو اور دوسرا شخص کرسی پر بیٹھاہو تو اس میں شرعاً  کوئی حرج نہیں ہے۔ فقط واللہ اعلم


فتوی نمبر : 144106200410

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں

ہماری ایپلی کیشن ڈاؤن لوڈ کرنے کے لیے