فیس بک سے لوگوں کے ای میل حاصل کرکے کمپنیوں کو فروخت کرنا
سوال
جو لوگ فیس بک وغیرہ سے کسی سافٹ ویئر کے ذریعے لوگوں کے ای میل حاصل کر کے آگے اشتہاری کمپنیوں کو فروخت کرتے ہیں، کیا یہ کام اور اس کی آمدنی جائز ہے؟
جواب
صورتِ مسئولہ میں کسی سافٹ ویئر کے ذریعے فیس بک وغیرہ سے لوگوں کی اجازت کے بغیر ان کے ای میل حاصل کرکے اشتہاری کمپنیوں کو فروخت کرنا شرعاً جائز نہیں، اور اس سے حاصل ہونے والی آمدن بھی حلال نہیں۔
الدر المختار وحاشیة ابن عابدین (4/61) ط: سعید:
"لايجوز لأحد من المسلمين أخذ مال أحد بغير سبب شرعي". فقط والله أعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144012201732
تاریخ10-10-2019
