بِسْمِ اللَّهِ الرَّحْمَنِ الرَّحِيم

15 ربیع الثانی 1442ھ- 01 دسمبر 2020 ء

دارالافتاء

 

روزے میں ٹی وی دیکھنا


سوال

روزے کی حالت میں ٹی وی دیکھنے سے کیا روزہ ٹوٹ جاتا ہے؟ چاہے معلوماتی پروگرام ہوں جیسے کوکنگ پروگرام ہوتے ہیں؟

جواب

ٹی وی دیکھنا  چوں کہ کئی گناہوں کا مجموعہ ہے جس کی وجہ سے عام حالات میں بھی  شرعاً جائز نہیں، چاہے کسی بھی نوعیت کا پروگرام ہی کیوں نہ ہو، اور روزے کی حالت میں اس کے گناہ میں مزید شدت آجاتی ہے، لہذا اس گناہ سے اجتناب نہایت ضروری ہے۔ تاہم اس کی وجہ سے روزہ نہیں ٹوٹتا،  لیکن ثواب میں کمی  کا سبب  ہے، بعض روایات سے معلوم ہوتاہے کہ جس طرح بعض جگہوں (مثلاً حرم) اور بعض اوقات (مثلاً رمضان) میں نیکیوں کا ثواب بڑھ جاتاہے اسی طرح ان جگہوں اور اوقات میں گناہ کی شدت بھی بڑھ جاتی ہے؛ لہٰذا گناہوں سے روزے کی حفاظت از بس ضروری ہے۔ فقط واللہ اعلم


فتوی نمبر : 144008201103

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں