بِسْمِ اللَّهِ الرَّحْمَنِ الرَّحِيم

5 ذو القعدة 1442ھ 16 جون 2021 ء

اعلان داخلہ

درس نظامی میں داخلہ کے لیے درجہ وار شرائط (۱۴۴۲-۴۳ھ)

         جامعہ اورشاخہائے جامعہ میں نئے داخلوں کا آغاز ان شاء اﷲ مؤرخہ 8شوال المکرم 1442ھ بمطابق 20 مئی 2021ء بروز جمعرات سے ہوگا، تمام درجات میں داخلوں کی محدود گنجائش ہے ، داخلے کے خواہش مند طلبہ درج ذیل ہدایات پر عمل کریں:

1-       تخصص فی الفقہ  میں داخلہ کے لیے دیگر مدارس کے فضلاء کے لیے دورۂ حدیث کے سالانہ امتحان میں ممتاز تقدیر کے ساتھ کامیابی لازمی ہے، اور جامعہ کے طلبہ کے لیے دورۂ حدیث کے امتحانات میں مجموعی طور پر  70 فیصد نمبرات حاصل کرنا ضروری ہے۔

2-      تخصص فی الحدیث  اور تخصص فی الدعوۃ و الارشاد  کے امیدوار تمام طلبہ کے لیے دورۂ حدیث کے سالانہ امتحان میں  70 فیصد نمبرات  حاصل کرنا ضرور ی ہے ۔

3-      دورۂ حدیث اور سابعہ  میں داخلہ کے لیے گزشتہ وفاقی درجہ میں جید جداً کی تقدیر سے کامیابی لازمی ہے۔

4-      سادسہ سے ثانیہ  تک تمام درجات میں داخلہ کے لیے گزشتہ وفاقی درجہ میں ممتاز کی تقدیر سے کامیابی لازمی ہے۔

5-      درجہ اولیٰ   میں داخلہ کے لیے متوسطہ سوم میں  جید  یا کم از کم  مڈل  پاس ہونا ضروری ہے ۔

6-      دراسات دینیہ  میں داخلہ کے لیے کم از کم عمر 20 بیس سال ہونا ضروری ہے۔

7-      اعدادیہ اول  میں داخلہ کے لیے کم از کم عمر 10 سے 12 سال کے درمیان ہونا ضروری ہے۔

 

داخلہ کے لیے درج ذیل کوائف ہمراہ لائیں

1-           جامعہ کی ویب سائٹ پر فارم بھرنے کے بعد جامعہ کی طرف سے جاری کردہ آن لائن رجسٹریشن نمبر پیش کریں۔

2-          18 سال یا اس سے زائد عمر کے طلبہ اصلی شناختی کارڈ اور اس کی دو  عدد  فوٹو کاپی لائیں اور  حالیہ بنی ہوئی دو  تصویریں لائیں۔

3-          18 سال سے کم عمرکے طلبہ فارم ب  اور  حالیہ بنی ہوئی دو  تصویریں لائیں۔

4-          داخلے کے خواہش مند تمام طلبہ اپنے والد / رشتہ دارسرپرست کے شناختی کارڈ کی مصدقہ فوٹو کاپی اور فون نمبر لائیں۔

5-          سابقہ وفاقی درجے کی کشف الدرجات یا وفاق کا مصدقہ نتیجہ اور اس کی ایک فوٹو کاپی لائیں۔

6-          درجہ ثانیہ کے لیے وفاق کا درجہ اولیٰ کا رجسٹریشن کارڈ اور اس کی فوٹو کاپی لائیں۔

7-          درجہ اولیٰ اور درجہ ثانیہ کے لیے متوسطہ کا کشف الدرجات یا مڈل کا مصدقہ سر  ٹیفکیٹ اور اس کی فوٹو کاپی لائیں۔

 نوٹ:   سرپرست رشتہ دار سے مراد طالب علم کا وہ قریبی عزیز ہوگا جو طالب علم کی ہرقسم کی ضمانت اٹھائے، ادارے کی طلب پر حاضر ہوسکے نیز تجدید داخلہ کے وقت تحریری ضمانت نامہ بھی جمع کرائے ۔

داخلہ کی ترتیب

داخلہ کی ترتیب حسب ذیل ہے:

پہلا مرحلہ :        آن لائن رجسٹریشن           (جامعہ کی ویب سائٹ پر داخلہ فارم بھرنا)۔

(یہ مرحلہ 13 شوال المکرم 1442ھ بمطابق 25 مئی 2021ء بروز منگل تک جاری رہے گا)

دوسرا مرحلہ :         آن لائن رجسٹریشن نمبر کے حساب سے کوائف کی چیکنگ۔

تیسرا مرحلہ :         تقریری امتحانات:

- اعدادیہ، اولیٰ اور ثانیہ کے امیدوار طلبہ کے لیے درست ناظرہ قرآن مجید۔

- ثالثہ سے دورہ حدیث تک کے امیدوار طلبہ کے لیے باتجوید ناظرہ قرآن مجید مع حفظ نصف آخر عم پارہ۔

- تمام امید وار طلبہ کے لیے نماز و اذکارِ نماز، اور مقررہ کتب کے تقریری امتحانات۔

(دوسرا اور تیسرا مرحلہ 8 شوال المکرم 1442ھ بمطابق 20 مئی 2021ء بروز جمعرات سے  14 شوال المکرم 1442ھ بمطابق 26 مئی 2021ء  بروز بدھ تک جاری رہے گا)

چوتھا مرحلہ :      تحریری امتحان    (15شوال المکرم 1442ھ بمطابق 27 مئی 2021ء  بروز جمعرات)

نوٹ:

  1. پہلا مرحلہ آن لائن ہوگا یعنی داخلہ کے امیدوار طلبہ کہیں سے بھی آن لائن اپنا فارم بھر سکتے ہیں۔
  2. جب کہ باقی تمام مراحل (کوائف چیکنگ، تقریری اور تحریری امتحانات) کے لیے داخلہ کے امیدوار طلبہ کو مقررہ تاریخوں میں براہ راست جامعہ مرکز میں حاضر ہونا ضروری ہے۔
  3. مقررہ تاریخوں کے بعد داخلہ کے لیے زحمت نہ کریں۔
  4. ادارہ اپنے طور پر بھی کوائف کی پڑتال کرے گا کوائف کی صحت اور پڑتا ل کے بارے میں ادارے کی رائے حتمی ہوگی۔
  5. تقریری امتحان کے بعد امیدوار اپنی مطلوبہ شاخ میں تشریف لے جائیں، تحریری امتحان اسی مطلوبہ شاخ میں ہوگا۔
  6. جامعہ مرکز میں تخصصات اور دورہ حدیث کے علاوہ تمام درجات میں داخلے غیر رہائشی ہیں۔ رہائشی داخلے کے لیے شاخ کا انتخاب کریں۔

 

جدید داخلے کے لیے تقریری وتحریر ی امتحان کی کتب کی تفصیل

نمبرشمار

مطلوبہ درجہ

تقریری امتحان

تحریری امتحان

1

تخصصات

ہدایہ جلد ثالث

ترمذی / شرح نخبۃ الفکر / حسامی / ہدایہ رابع

2

دورہ حدیث میں داخلہ کے لیے

ہدایہ جلد رابع

مشکاۃ کامل / شرح نخبۃ الفکر

3

سابعہ میں داخلہ کے لیے

ہدایہ جلد ثانی

جلالین کامل/ شرح العقائد

4

سادسہ میں داخلہ کے لیے

ہدایہ اول

منتخب الحسامی / مختصر المعانی

5

خامسہ میں داخلہ کے لیے

شرح الوقایہ

شرح الجامی / مقامات

6

رابعہ میں داخلہ کے لیے

کافیہ یا شرح ابن عقیل

کنز الدقائق / اصول الشاشی

7

ثالثہ میں داخلہ کے لیے

مختصر القدوری

ہدایۃ النحو / علم الصیغہ

8

ثانیہ میں داخلہ کے لیے

صرف ونحو

 صیغے اورمختلف جملوں کی ترکیب

9

اولیٰ میں داخلے کے لیے

آٹھویں جماعت کی ریاضی اور انگریزی

10

دراسات دینیہ میں داخلے کے لیے

ناظرہ قرآن مجید اور اردو نوشت و خواند کا امتحان ہوگا

 نوٹ:        تمام درجات میں تحریری امتحان میں خوش نویسی اور عربی انشاء کے مستقل نمبرات ہوں گے۔

ازدفتر تعلیمات

جامعہ علوم اسلامیہ علامہ بنوری ٹاؤن کراچی

جامعہ کا نظام تعلیم

طلبہ اور ان کے سرپرستوں کے لیے ضروری ہدایات اور قواعد وضوابط

 
 

درجہ وار شرائط داخلہ