زکاۃ کی رقم سے کسی لڑکی کے لیے جہیز میں ڈنر سیٹ خرید سکتے ہیں، اگر لڑکی غریب ہو؟ اور کیا لڑکی کو یہ بتانا ضروری ہے کہ یہ زکاۃ کی رقم سے ہے؟
اگر لڑکی مستحقِ زکاۃ ہو تو اسے جہیز کے لیے زکاۃ کی رقم سے ڈنر سیٹ دے سکتے ہیں۔ نیز زکاۃ دیتے وقت زکاۃ کی نیت ہونا شرط ہے، جس کو زکاۃ دی جارہی ہے اس کو بتانا ضروری نہیں ہے کہ یہ زکاۃ کے پیسے ہیں، بلکہ ہدیہ کا نام لے کر بھی زکاۃ کے پیسے دیے جاسکتے ہیں۔
الفتاوى الهندية (1/ 171):
"ومن أعطى مسكيناً دراهم وسماها هبةً أو قرضاً ونوى الزكاة فإنها تجزيه، وهو الأصح، هكذا في البحر الرائق ناقلاً عن المبتغي والقنية". فقط و الله أعلم
مزید تفصیل کے لیے درج ذیل لنک پر فتاویٰ ملاحظہ کیجیے:
صدقہ واجبہ مستحق کو دینا ضروری ہے تاہم اسے بتانا ضروری نہیں
فتوی نمبر : 144108201187
دارالافتاء : جامعہ علوم اسلامیہ علامہ محمد یوسف بنوری ٹاؤن