سوال

ایک شخص نے وفات پائی ہے اور ورثاء میں بیوہ ، بیٹی، والدین، تین بھائی، اور دو بہنیں چھوڑی ہیں۔ وراثت کی تقسیم کیسے ہو گی؟

جواب

صورتِ مسئولہ میں مرحوم کی وراثت کے حق دار اس کے والدین، بیوہ اور بیٹی ہیں، بھائی اور بہن کو مرحوم کی وراثت  میں سے حصہ نہیں دیا جائے گا۔ترکہ کی تقسیم کا طریقہ یہ ہے کہ مرحوم کے حقوقِ متقدمہ کی ادائیگی کے بعد مرحوم کے کل ترکہ کو 24حصوں میں تقسیم کیاجائے گا ، جس میں سے 3حصے  بیوہ کو  (یعنی ٪12.5)، والدہ کو 4 حصے (یعنی ٪16.66)، بیٹی کو 12 حصے (یعنی ٪50) اور والد کو 5 حصے (یعنی٪ 20.83) ملیں گے۔فقط واللہ اعلم