سوال

قبر کے اندر پختہ اینٹوں کے لگانے  کا حکم بتادیں!

جواب

واضح رہے کہ قبر کے اندر میت کے اطراف میں بلا ضرورت لکڑی کے تختے، پتھر، سیمنٹ کی اینٹ، لوہا، اور بھٹی میں پکی ہوئی اینٹ لگانا مکروہِ تحریمی ہے،البتہ اگر زمین بہت نرم ہو یا اس میں نمی ہو اور قبر گرنے کا خطرہ ہو، تو بقدرِ ضرورت مذکورہ اشیاء لگانے کی اجازت ہوگی، اگر لکڑی، پتھر یا سیمنٹ کی اینٹ سے ضرورت پوری ہوجائے، تو بھٹی کی پختہ اینٹ اور لوہے سے احتراز کیا جائے، اس لیے کہ اس میں آگ کا اثر ہے، پتھر اور سیمنٹ کی اینٹ میں یہ قباحت نہیں۔

(مأخوذ از "احسن الفتاوی"،ج:4،ص:198،ط:سعید)

فقط واللہ اعلم

مزید تفصیل کے درج ذیل لنک پر ہمارے دارالافتاء کا فتوی ملاحظہ فرمائیں:

کیا مشینی بلاک اور بھٹی میں پکی اینٹ کا حکم قبر بنانے میں ایک ہے؟