سوال

کیا معتکف  بیوی، بہن وغیرہ سے واٹس ایپ میسیج کے ذیعہ بات کر سکتا ہے؟

جواب

اعتکاف کا مقصد اللہ تعالی کا قرب حاصل کرنا اور اس کی عبادت میں مشغول رہنا ہے، لہذا معتکف کو چاہیے کہ وہ نماز، تلاوت، ذکر و اذکار، تعلیم و تعلم اور دیگر عبادات میں اپنا زیادہ وقت گزارے، لیکن ضرورت کے وقت موبائل فون رکھنے اور اپنی بیوی یا بہن وغیرہ کوفون کرنے کی اجازت ہے، اعتکاف میں انٹرنیٹ اور واٹس ایپ استعمال کرنے سے حتی الامکان احتراز کیا جائے؛ کیوں کہ اس میں جان دار کی تصاویر سے بچنا بہت مشکل تقریباً ناممکن ہے، اس سے مسجد کی بے ادبی کے ساتھ اعتکاف کے دوران گناہ بھی ہوگا، لیکن اگر کوئی  شخص اعتکاف کے دوران واٹس ایپ  میسج کرےتو  اعتکاف نہیں ٹوٹے گا۔ فقط و اللہ ا علم

مزید تفصیل کے لیے درج ذیل لنک پر فتویٰ ملاحظہ کیجیے:

دورانِ اعتکاف گھر والی کا فون اٹھانا