"ہانیہ" ، "ہادیہ"، اور "مہد" کا مطلب بتا دیں۔ اور لڑکے کے لیے "مہد" نام رکھنا بہتر ہے؟ اور لڑکی کے لیے کون سا نام بہترہے؟
''ہانیہ''عربی زبان کالفظ ہے، اس کامعنی ہے: پُرمسرت، خوش دلی، خوش حالی۔ یہ نام رکھاجاسکتا ہے۔
"هَانِئ : (معجم الغني) : جمع: ـون، ـات. (فاعل من هَنَأَ). 1- هَانِئٌ فِي بَيْتِهِ : مُسْتَرِيحٌ، سَعِيدٌ، مُطْمَئِنٌّ- وَجَدَ فِي إِقَامَتِهِ الْجَدِيدَةِ حَيَاةً هَانِئَةً. 2- هَانِئٌ : اِسْمُ عَلَمٍ لِلْمُذَكَّرِ".
"ہادیہ" کے معنی رہبری کرنے والی کے ہیں۔ یہ نام بھی رکھ سکتے ہیں۔
"هادية : (معجم الرائد) : (اسم) 1- هادية : مؤنث هاد".
"مہد " کے معنی ہیں : (1) بچہ کا گہوارہ ( بچوں کا جھولا) ( 2 ) نرم وہم وار زمین ۔ بچے کا نام "مہد " نام رکھ سکتے ہیں۔
"المَهْدُ : (معجم الوسيط) : (معجم الوسيط) المَهْدُ : السريرُ يُهيَّاْ للصبىِّ ويوطَّأُ لينام فيه . المَهْدُ الأَرضُ السَّهلَةُ المستوية . والجمع : مُهُودٌ .
مذکورہ دونوں نام لڑکی کے لیے اور "مہد" نام لڑکے لیے رکھنا درست ہے۔ البتہ صحابہ و صحابیات رضی اللہ علیہم اجمعین کے ناموں میں سے کوئی نام رکھ لینا زیادہ بہتر ہے۔ لڑکے، لڑکیوں کے عمدہ معانی کے اسماء کے لیے ہماری ویب سائٹ پر " اسلامی نام" کے حصہ پر جا کر استفادہ کیا جا سکتا ہے۔ فقط واللہ اعلم
فتوی نمبر : 144012201382
دارالافتاء : جامعہ علوم اسلامیہ علامہ محمد یوسف بنوری ٹاؤن