کیا گالی دینے سے وضو ٹوٹ جاتا ہے؟
گالی دینے سے وضو نہیں ٹوٹتا، البتہ فحش بات کرنے کے بعد وضو کرلینا مستحب ہے۔
وضو کو توڑنے والی چیزیں مندرجہ ذیل ہیں:
* آگے یا پیچھے کی شرم گاہ سے کسی چیز کا نکلنا
* بدن کے کسی بھی حصے سے نجاست کا نکل کر بہہ جانا
* منہ بھر کر قے ہو جانا
*ٹیک لگا کر سو جانا
* بے ہوش یا پاگل ہو جانا
* رکوع و سجدے والی نماز میں قہقہہ مارنا
* شرم گاہوں کا بغیر حائل آپس میں ملنا۔ فقط واللہ اعلم
فتوی نمبر : 144012201950
دارالافتاء : جامعہ علوم اسلامیہ علامہ محمد یوسف بنوری ٹاؤن