جو بچہ گود لیا جائے گا کیا وہ بالغ ہو کرپالنے والی ماں کے لیے غیر محرم ہو گا؟
اگرگود لینے والی عورت نے اس بچہ کو دودھ پلایا ہو تو وہ اس کی رضاعی ماں بن جائے گی اور وہ بچہ اس کا محرم بن جائے گا، اسی طرح اگر اس عورت کی بہن نے اس بچہ کو دودھ پلا دیا ہو تو گود لینے والی عورت اس بچہ کی رضاعی خالہ بن جائے گی اور محرم ہو گی، اسی طرح اگر وہ عورت اس بچہ کی حقیقی خالہ ہو یا حقیقی پھوپھی ہو تو اس بچہ کی محرم ہو گی، اگر محرم ہونے کی کوئی دوسری علت نہ ہو تو محض گود لے کر پالنے کی وجہ سے وہ بچہ اس عورت کا محرم نہ ہو گا۔
﴿ وَمَا جَعَلَ اَدْعِيَآءَكُمْ اَبْنَآءَكُمْ ۰ۭ ذٰلِكُمْ قَوْلُكُمْ بِاَفْوَاهِكُمْ ۰ۭ وَاللّٰهُ يَـقُوْلُ الْحَـقَّ وَهُوَيَهْدِي السَّبِيْلَ﴾ (الاحزاب: 5) فقط واللہ اعلم
فتوی نمبر : 143908201026
دارالافتاء : جامعہ علوم اسلامیہ علامہ محمد یوسف بنوری ٹاؤن