سوال

کیا روزہ کی حالت میں پانی میں ڈبکی لگائی جا سکتی ہے کہ جس میں سر پورا پانی میں ڈوب جائے؟

جواب

روزے کی حالت میں سوئمنگ پول یا نہر میں غوطہ لگانے سے روزہ نہیں ٹوٹتا، بشرطیکہ پانی   منہ یا ناک کے راستے سے  حلق سے نیچے نہ اترے ، ورنہ  روزہ ٹوٹ جائے گا اور قضا لازم ہوگی۔ اور اگر غوطہ لگانے کے بعد اپنے ارادہ سے پانی حلق سے پیٹ میں اتار لیا تو روزے کی قضا کے ساتھ کفارہ بھی لازم ہوگا۔ لہٰذا جو شخص تیراکی اچھی طرح نہ جانتا ہو اسے روزے کی حالت میں احتیاط کرنی چاہیے۔ فقط واللہ اعلم