سوال

کیا کسی یونیفارم یا وردی شرٹ وغیرہ  پہنتے ہوئے نماز جائز ہے ? 

یونیفارم یا وردی شرٹ وغیرہ پر اگر کسی غیرمسلم ملک کی کمپنی کا لوگو یا تصویر  ہے تو اس کے بارے میں کیا حکم ہے ؟

جواب

1۔ نماز صحیح ہونے کی شرائط میں سے ہے کہ لباس طاہر (پاک) اور ساتر (ستر کو ڈھانپنے والا ہو) ؛  لہذا صورتِ مسئولہ میں اگر یونیفارم طاہر و ساتر ہے تو نماز ہو جائے گی۔

2۔ شرٹ وغیرہ پر  اگر جاندار کی  تصویر  نہیں ہے، (اور کوئی خارجی مانع بھی نہیں ہے،) صرف کسی کمپنی کا لوگو ہے تو  کوئی حرج نہیں، تاہم کشادہ لباس میں نماز ادا کرنا اولیٰ ہے۔اور اگر یونیفارم پر جاندار کی واضح تصویر ہو تو ایسے لباس میں نماز ادا کرنا مکروہ ہے۔فقط واللہ اعلم