کوئی شخص کسی دوسرے کا شناختی کارڈ اپنے قبضہ میں لے کر اسے اطلاع دیے بغیر اپنے پسند کے کسی امیدوار کو ووٹ دے دے تو اس شخص کا یہ فعل شریعت کی روشنی میں کیسا ہے ؟
ووٹ کی حیثیت رائے شماری کی ہے، اس میں رائے شماری کے شرعی اصولوں کی رعایت کے ساتھ رائے دی جائے، کسی اور کا شناختی کارڈ استعمال کرکے ووٹ دینا دھوکا دہی، جھوٹ اور خیانت ہے، اور یہ شرعاً ناجائز ہونے کے ساتھ ساتھ قانونی طور پر بھی جرم ہے؛ لہذا اس سے اجتناب ضروری ہے۔فقط واللہ اعلم
فتوی نمبر : 144001200004
دارالافتاء : جامعہ علوم اسلامیہ علامہ محمد یوسف بنوری ٹاؤن