کن حالت میں نماز کرسی پر بیٹھ کر پڑھنی چاہیے؟ آج کل تھوڑی سی بیماری میں بھی کرسی پر نماز ادا کرتے ہیں۔
اگرکوئی شخص کھڑے ہوکر رکوع اور سجدے کے ساتھ نماز پڑھنےپرقادرنہ ہو اورنہ ہی زمین پربیٹھ کراشارے سےنمازپڑھ سکتاہو تو ایسے شخص کواجازت ہے کہ کرسی پربیٹھ کراشارہ سےرکوع سجدہ کے ساتھ نمازپڑھ لے، اگرزمین پربیٹھ کرسجدے کے ساتھ نمازپڑھ سکتا ہو تو زمین پر ہی نماز پڑھے۔ اور اگر زمین پر بیٹھ کر اشارے سے نماز پڑھ سکتاہو تو بھی کرسی کی بجائے زمین پربیٹھ کرنماز پڑھناچاہیے۔بلا عذر یا معمولی عذر کی بنیاد پرکرسی پر بیٹھ کر نماز نہ پڑھی جائے۔ فقط واللہ اعلم
فتوی نمبر : 143908200388
دارالافتاء : جامعہ علوم اسلامیہ علامہ محمد یوسف بنوری ٹاؤن