مجھے کہیں سے پرانے کرنسی نوٹ پڑے ہوئے ملے ہیں، جو اب نہیں چلتے، لیکن کسی خاص جگہ سے وہ تبدیل کیے جا سکتے ہیں، کیا میرے لیے ان کا استعمال جائز ہے، جب کہ پڑے رہنے کی صورت میں وہ بے کار ہو جائیں گے؟
جس جگہ آپ کو یہ پرانے کرنسی نوٹ پڑے ہوئے ملے ہیں، مالک ڈھونڈنے کی غرض سے آپ وہاں اعلان کریں، جب یہ یقین یا ظن غالب ہوجائے کہ اب اس کا مالک نہیں آئے گا تو اسے بعینہ یا تبدیل کرکے اس رقم کو کسی غریب مستحق زکاۃ پر مالک کی جانب سے صدقہ کردیں، اگر آپ مستحق زکاۃ نہیں تو آپ کے لیے اس کا استعمال درست نہیں۔ فقط واللہ اعلم
فتوی نمبر : 143903200033
دارالافتاء : جامعہ علوم اسلامیہ علامہ محمد یوسف بنوری ٹاؤن