سوال

 ایک محلے میں قدیم مسجد ہے آبادی بڑھنے  کی وجہ سے وہ مسجد نمازیوں کے  لیے ناکافی ہے،  توسیع کی بھی گنجائش نہیں تو  کیا یہ جائز ہے کہ اس جگہ کو فروخت کر کے دوسری جگہ خرید کر وہاں مسجد بنائی جائے؟

جواب

جس زمین پر ایک مرتبہ شرعی مسجد بن جائے،  قیامت تک وہ جگہ مسجد ہی رہے گی، اب اس زمین کا بیچنا اور اس جگہ سے مسجد ختم کر کے کچھ اور بنانا جائز نہیں ہے۔ آبادی بڑھنے کی وجہ سے پہلی مسجد میں جگہ ناکافی ہے اور مذکورہ مسجد کی توسیع ممکن نہیں ہے تو دوسری جگہ خرید کر  نئی مسجد بنالی جائے، اور دونوں میں جماعت سے نماز ادا ہوتی رہے اس میں حرج نہیں ہے۔  فقط واللہ اعلم