48 میل میں کتنے کلومیٹر ہوتے ہیں ؟
شرعی مسافر ہونے کے لیے گھر سے کتنا دور ہونا ضروری ہے ؟
1) 48 میل تقریبا ً سوا ستتر کلو میٹر ہوتے ہیں۔
2) شرعی طور پر مسافر وہ شخص شمار ہوتا ہے جو سوا ستتر کلو میٹر یا اس سے زیادہ مسافت کے ارادے سے سفر کے لیے نکلے، تو اس پر اپنے شہر کی حدود سے نکلنے کے بعد سفر کے احکامات لازم ہوجاتے ہیں۔
مظاہر حق میں ہے:
"اگر کوئی شخص اڑتالیس میل (میں تقریبا 78 کلومیٹر) کی مسافت کے لئے اپنے گھر سے سفر پر نکلے تو جیساکہ اوپر ذکر کیا گیا اپنے گاؤں یا شہر کی آبادی سے باہر نکلتے ہی اس پر قصر واجب ہو جاتا ہے"۔
( باب صلاۃ المسافر،1/842، ط: دار الاشاعت)
الدر المختار مع رد المحتار میں ہے:
" من خرج من عمارة موضع إقامته ... مسيرة ثلاثة أيام و ليليها من اقصر ايام السنة...الخ"
(كتاب الصلاة، باب صلاة المسافر، ٢/ ١٢٢ - ١٢٣، ط: سعيد)
فتاوی ہندیہ میں ہے:
"ولا بد للمسافر من قصد مسافة مقدرة بثلاثة أيام حتي يترخص برخصة المسافرين...الخ "
( كتاب الصلاة، الباب الخامس عشر في صلاة المسافر، ١/ ١٣٩، ط: رشيدية)
فقط واللہ اعلم
فتوی نمبر : 143909202262
دارالافتاء : جامعہ علوم اسلامیہ علامہ محمد یوسف بنوری ٹاؤن