مجھے وتر کا مسنون طریقہ اور اس میں رکعات کی تعداد بتادیں!
وتر پڑھنے کا سنت طریقہ یہ ہے کہ پہلی دو رکعت معمول کے مطابق ادا کریں اور دوسری رکعت کے قعدے میں تشہد پڑھ کر سلام پھیرے بغیر فوراً تیسری رکعت کے لیے کھڑے ہوجائیں،سورتِ فاتحہ اور کوئی سورت پڑھ کر تکبیر کہتے ہوئے کانوں تک ہاتھ اٹھا کر دوبارہ باندھ لیں اور دعائے قنوت پڑھیں،اس کے بعد باقی نماز معمول کے مطابق پوری کریں مذکورہ طریقہ احادیث سے ثابت ہے اور وہ احادیث سند کےلحاظ سے بھی مضبوط ہیں، یہاں تک کہ اس بات کی صراحت بھی موجود ہے کہ پہلی، دوسری اورتیسری رکعت میں کون کون سی سورت حضورِ اکرم صلی اللہ علیہ وسلم تلاوت فرماتے تھے۔ اگر وتر سے متعلق احادیث جاننا مقصود ہو تو درج ذیل کتبِ احادیث میں دیکھی جاسکتی ہیں( سنن نسائی الوترثلاث 1694 دارالفکر بیروت) (کنزالعمال باب الوترثلاث 21902 دارالفکر بیروت) فقط واللہ اعلم
فتوی نمبر : 144004200266
دارالافتاء : جامعہ علوم اسلامیہ علامہ محمد یوسف بنوری ٹاؤن