کسی واقعہ میں اگر والدین اور بچے سب قتل ہو جائیںتو بچوں کی دیت کی رقم کیسے تقسیم ہوگی؟ بچوں کے دادا دادی فوت ہیں۔ بچوں کے چچا اور پھوپھی دونوں زندہ ہیں۔ بچوں کے نانا نانی اور ماموں، خالہ بھی زندہ ہیں ۔
صورتِ مسئولہ میں اگر والدین اور بچے ایک ساتھ قتل ہوئے، انتقال میں کوئی تقدیم وتاخیر نہ ہو تو بچوں کی دیت کے حق دار ان کے چچا ہوں گے، جتنے تایا، چچا ہوں سب برابر کے حق دار ہوں گے۔فقط واللہ اعلم
فتوی نمبر : 144105200788
دارالافتاء : جامعہ علوم اسلامیہ علامہ محمد یوسف بنوری ٹاؤن