نماز کس زبان کا لفظ ہے ؟ اور اس کے معنی کیا ہیں؟
'' نماز '' فارسی زبان کا لفظ ہے ، اور بطورِ اسم مستعمل ہے، اس کے معنی بندگی،پرستش ،عاجزی اور انکساری کے ہیں۔ (فیروزاللغات1377،فیروزسنز)
اصطلاح میں نماز اللہ تعالیٰ کی عبادت اور بندگی کرنے کا ایک خاص طریقہ ہے جس کا حکم اللہ تعالیٰ نے قرآنِ مجید میں دیا اور رسول اللہ ﷺ نے احادیثِ مبارکہ میں اپنی امت کو سکھایاہے۔ فقط واللہ اعلم
فتوی نمبر : 144001200639
دارالافتاء : جامعہ علوم اسلامیہ علامہ محمد یوسف بنوری ٹاؤن