نماز میں یاد آنے والی چیز کو کیسے دور کر سکتے ہیں؟
نماز میں آنے والے خیالات سے بچنے کا بہتر طریقہ یہ ہے کہ نماز میں جو کچھ پڑھا جارہا ہو اس کی طرف دھیان دیا جائے اور اس کے ترجمے میں غور و فکر کیا جائے۔ نیز ہر رکن کی ادائیگی کے وقت اس رکن کی سنتوں اور آداب کی مکمل رعایت اور اگلے رکن کا دھیان رکھا جائے۔ اس کے بعد بھی بلااختیار کوئی خیال آجائے تو اس پر مؤاخذہ نہیں ہے، البتہ جیسے ہی تنبہ ہو فوراً اپنا دھیان نماز کی طرف منتقل کردے، اپنے ارادے سے نہ سوچے۔ فقط واللہ اعلم
فتوی نمبر : 143909200100
دارالافتاء : جامعہ علوم اسلامیہ علامہ محمد یوسف بنوری ٹاؤن